Жұбаева Гүлмира Кенжеқарақызы
Ағылшын тілі пән әдістемелік бірлестігінің жетекшісі Жұбаева Гүлмира Кенжеқарақызы
ЖОББ “Білім” мектеп-гимназиясының ағылшын тілі пән
әдістемелік бірлестігі
Әдістемелік бірлестіктің өзекті мәселесі:
Білімнің, біліктілік пен дағдылардың барлық жүйесін оқушылардың терең де сапалы меңгеруін қамтамасыз ете отырып, оқушылардың функционалдық сауаттылығын арттыру”
Мақсаты:
- Білімді, білікті, шығармашылықпен жұмыс істей алатын жылдам өзгеріп отыратын ортада өмір сүруге бейімделген тұлғаны қалыптастыру;
- Өздігінше дамуға, өз ойын ағылшын тілінде толық жеткізе білетін ,өзінің және қоғамның мүддесі үшін мейлінше өзін-өзі іс жүзінде көрсете алатын жеке тұлғаны жетілдіру
- Оқыту мен оқудағы жаңа тәсілдер арқылы мұғалімдердің оқыту тәжірибесін одан әрі жандандыру.
Міндеттері:
- жаңа форматтағы сабақ үлгісінбасшылыққа ала отырып, белсенді сабақ әдіс-тәсілдерін қолдану
- Оқушыларға ағылшын тілін мемлекеттік тіліміз қазақ тілінің тілдік құрылымымен салыстыра отырып, ұлттық тіл аясында меңгерту.;
- Заманауи білім беру технологияларын меңгеру;
- Шығармашыл мұғалімдердің педагогикалық тәжірибесін анықтау, жинақтау және тарату. Білім беру процесінің жаңа әдістемелік жасақтауын талдау және апробациялау, озат педагогикалық тәжірибені, оқытудың жаңа формаларын, әдістерін ендіру.
- Оқушының жеке психикалық және дене бітімі ерекшеліктерін, қажеттіліктері мен мінез-құлық уәждерінің әлеуетті мүмкіндіктерін ескере отырып білім алушыны тұлға ретінде үйлесімді қалыптастыру және жан-жақты дамыту, оның шығармашылық қабілеттерін толықтай ашу.
- Ағылшын тілі пән бірлестігінде 31 педагог бар.
- Жоғары білімді – 31 педагог
- Арнаулы орта білімі бар -1 педагог
- “Педагог-зерттеуші”- 5 педагог
- “Педагог-сарапшы” -6 педагог
- “Педагог-модератор”- 10 педагог
- Санаты жоқ- 10 педагог.
Қазақстан Республикасы заңнамасына сәйкес елдегі беделді тілдің бірі – халықаралық қатынастағы ағылшын тілі болып саналады. Ағылшын тілі – жаңа жиырма бірінші ғасырдың тілі. Ағылшын тілі халықаралық қатынаста қолданылатын, дүние жүзіне кең тараған ортақ тіл. Ағылшын тілі біздің мемлекетіміздің халықаралық байланыстарын дамытуға мүмкіндік беретін тұлғааралық және мәдениаралық қарым-қатынастардың аса маңызды құралы болып табылады. Қазіргі уақыт табалдырығын білім мен ғылымды инновациялық технология бағытымен дамыту мақсатымен аттауымыз үлкен үміттің басты нышаны болып табылады.
Ұрпағы білімді халықтың болашағы бұлынғыр болмайды дегендей, жас ұрпаққа саналы, мән- мағыналы, өнегелі тәрбие мен білім беру бүгінгі күннің талабы. Қазіргі жаһандану заманында көп тіл білетін адамның қоғамдағы алар орны да ерекше. Өзге тілді үйрену, оны жетік меңгеру — бұл ең алдымен халықаралық қатынастар кезінде айрықша рөл атқаратыны баршамызға аян. Тіл – халықпен бірге өмір сүріп дамиды.
Ал басқа мемлекеттің алдында өз еліңнің дәрежесінің биік екенін мойындату үшін, жеті тілді жетік меңгеру артық етпейді. Мәдениетті, жан-жақты, ұлтжанды, рухани дүниесі бай жастар тәрбиелеп шығару ағылшын тілі пәні мұғалімдерінің басты мақсаты. Жаһанданған заман елімізді барлық елдермен бәсекелесе дамуға итермелейді. Тілдің қажеті артқан сайын, сұраныс артқан сайын осы қажетті қамтамасыз ету үшін арнайы шараларда жиі ұйымдастырылып тұрады. Бәсекелестікте тек мықтылар ғана жеңіп шығады, ал бәсекеге шыдай алмайтындар жеңіліске ұшырайды. Қазіргі заман ашықтық пен жан-жақтылықты талап етеді.
2050 жылға дейінгі кезеңге арналған еліміздің даму стратегиясында қазақ тілін өркендету мен шет тілдерді оқыту мәселесіне айрықша мән берілген. Шет тілін білу сән емес, заман талабы екені белгілі. Туған тіліңді жетік меңгер, қастерлей біл. Бірақ бір тілмен ғана шектеліп қоймай, жан-жақты бол, тіл үйрен. Бұл сенің болашағыңның ғана емес, тұтастай ұлтыңның болашағының жарқын болуының кепілі.
⠀