Жанкулова Бақытжан Берікқызы
Математика, информатика, физика пәндерінің әдістемелік бірлестігі 2024-2025 оқу жылы
Математика, информатика, физика пәндері бірлестігінің түйінді мәселесі:
«Мектепте мұғалімнің кәсіби құзыреттілік, ақпараттық технологияларды меңгеру деңгейін арттыру арқылы оқушылардың білім сапасын арттыру.»
Мақсаты:
- Оқушылардың жаратылыстану-математикалық сауаттылығын арттыру.
- Ғылыми-техникалық білімге қызығушылығын қалыптастыру және заманауи технологияларды меңгеруге бағытталған құзыреттіліктерін дамыту.
- Оқытудың жаңа инновациялық өзгерістерін енгізу арқылы жаңартылған оқыту принциптерін жүзеге асыру.
- Үш пәннің мазмұнын кіріктіре отырып, жобалық және зертханалық жұмыстар арқылы оқушылардың зерттеушілік дағдыларын қалыптастыру, пән мұғалімдерінің біліктілігін арттыру, әдістемелік тәжірибе алмасуды ұйымдастыру.
Міндеттері:
· Оқу бағдарламаларын тиімді жүзеге асыру:
- Мемлекеттік білім беру стандарттарына сәйкес пәндердің оқытылуын қамтамасыз ету.
- Жаңартылған білім беру мазмұны бойынша сабақтарды сапалы жүргізу.
· Оқушылардың білім сапасын арттыру:
- Оқушылардың пәнге қызығушылығын ояту және олардың білім деңгейін үнемі бақылау.
- Қиындықтары бар оқушылармен жеке жұмыс жүргізу.
· Логикалық, алгоритмдік және сыни ойлауды дамыту:
- Математикалық есептерді шешу, модельдеу және программалау арқылы логикалық ойлау қабілетін жетілдіру.
- Физикалық заңдылықтарды тәжірибелік жолмен түсіндіру.
· Инновациялық технологияларды қолдану:
- Цифрлық ресурстар мен заманауи құралдарды (интерактивті тақта, симуляторлар, бағдарламалау ортасы т.б.) сабақта тиімді пайдалану.
· Дарынды оқушылармен жұмыс:
- Олимпиада, ғылыми жобалар мен конкурстарға оқушыларды дайындау.
- Кәсіби бағдар беріп, болашақта жаратылыстану-техникалық мамандықтарға баулу.
· Мұғалімдердің кәсіби шеберлігін арттыру:
- Ашық сабақтар, әдістемелік семинарлар, коучингтер өткізу.
- Жаңа әдіс-тәсілдерді меңгеру және тәжірибе алмасу.
· Пәнаралық байланысты нығайту:
- Математика, информатика және физика пәндерінің мазмұнын кіріктіре оқыту.
- STEM жобаларын жүзеге асыру арқылы білімді өмірмен байланыстыру.
МИФ әдістемелік бірлестігінің құрамында барлығы 41 мұғалім.
Сапалық құрамы
| «Педагог-мастер» | «Педагог-зерттеуші» | «Педагог-сарапшы» | «Педагог-модератор» | Санатсыз | Сапа |
| 0 | 13 | 6 | 12 | 10 | 76% |
Математика, информатика, физика пәндерінің әдістемелік бірлестігі жетекшісі:
Жанкулова Бақытжан Берікқызы
⠀